Chapter 13

 #Chapter13

Esibhedlele, ndilinde ndade ndadinwa. Ndibone íNurse egqithayo ndasukuma ngokukhawuleza esitulweni ndisiya kuyo.

Ntando:“Uxolo, uxolo...”

Iye yama yandijonga ngoku ndisondelayo.

Nurse:“Ndixakekile andiwoyi zii patiance mna.”

Ubuyibona ukuba iyadikwa ngabantu.

Ntando:“Hayi uxolo sister bendilapha esibhedlele kungona ndikhutshwayo namhlanje, akukabikho mntu uzondilanda. Ndcela undiboleke iPhone?”

Undiqale ezinyaweni ngamehlo wazotsho ebusweni.

Nurse:“Uncede ke ukhawuleze uthethe andinaxesha lide.”

Utsho eyikhupha ecaleni epokothweni endinika, ndayithatha ndabe sendiqobozela kuyo ngokukhawuza ingathi angayithatha ngoku inye inumber ebendiyazi ngentloko yeka Nakhane ndicofe yona ndayibeka endlebeni uyibambe sekumzuzu ndingcangcazela.

Nakhane:“Hellow?”

Bendingcangcazelwa ngumlomo ngoba oko ndamgqibela endiqumbele.

Nurse:“Thetha ntombi utya ixesha lam.”

Ntando:“Ma..mama ndikhutshiwe.”

Nakhane:“Kengoku undixelela ukuba zendiyithini lonto?”

Ndiyisuse ndayijonga le phone ndinexhala ndaphinda ndayibeka endlebeni.

Ntando:“Andinamntu wozondithatha, akhomntu ndimaziyo apha ndiyakucela Mma okanye uxelele uTata azondithatha.”

Nditsho lawo mazwi ndifinge isibunzi ndinendawo ezifuna ulila.

Nakhane:“Ye mfazindini owam umyeni akamithisanga mntu, uyotsho kulo wayekumithisile  ukuba azakuthatha. Andazi ke njembe enomfazi naye uzothini bye.”

Uvalelise ngelizwi elipholileyo, ndavele ndatyhafa. Ndanika uNurse iPhone yakhe. Wandijamela lo Nurse.

Nurse:“Kunani uenkosi?”

Ntando:“Enkosi.”

Nurse:“Mxm” Uqhubeke nokuqhuba lento ebeyiqhuba, ndashiyika ndixakiwe ukuba ndenze ntoni kodwa ndiye ndayophuma ngomnyango. Bendihamba kwi pavement ndijonge phantsi ndisonge iingalo zam zijinga íjersy yam, iimoto zidlula zidlulile. Bendifixiza, ndingenayo indawo endinoya kuyo. Besele ndisoyika nokubuyela ekhaya ngoba kuyabonakala uTata umfazi wakhe uNakhane bazikhuphile kum. Ndifike éTaxi rank, ndimane ndicela iR1 nakuwuphi na umntu endidibana naye naleyo ndiyenziswa kuxakwa ndinenyembezi abanye bebendibhebhetha okomshologu kodwa abanye bendipha ide yagcwala ndayokhwela iTaxi eya eDimbaza. Yahamba, ndohlike ngase khaya bekuvaliwe ne garage ígate itshixwe nge qhaga elikhulu. Ndithe sendicinga ukuya kwa Mandla kodwa kwakho nto endinqandayo ndacinga ngo Amanda, ndithe sendibheka pha kwapipiza imoto xa ndijonga ngu Mandla upipiza kwakhe égate'ini kuphume umfazi wakhe endlini wayomvulela. Uphume weza kum engekangeni eyardini, umfazi wakhe wabe emjongile ngoku aza kum ufike wama efake iizandla etasini.

Mandla:“Ntando?”

Benditshiswa lilanga kunzima nomjonga. Ndiye ndathula ndamjonga nje.

uMandla:“Ntando ufuna ntoni apha oTatakho besesifihlweni?”

Akayazi nokuba bendisesibhedlele okanye uyazenzisa.

Ntando:“Bendisesibhedlele.”

Unyuse iintshiya.

Mandla:“Oh kungona uphumayo namhlanje kanti?”

Uyandazi ukuba bendisesibhedlele, nditsholo ngaphakathi.

Ntando:“Ewe.”

Mandla:“UTatakho ebefikile kum, undixelele ukuba ubuzama ukhupha isisu akwalunga. Ebezama undibulala kodwa akalunganga, kwanyanzeleka sithethe njengamadoda uthe ke xa ndimxelela ngawe nento enayo yenza kula Party...”

Andikwazanga umlinda agqibe uthetha.

Ntando:“Sasiyo kwenza ntoni?”

Mandla:“Awunondibuza into oyaziyo, qha into endifuna ukuxelela yona uyihlo nonyoko bakulahlele kum kwaye baphantse bandichithela umtshato. Bendingayazi ukuba nyani ukuba babenyanisile ngesigqibo sabo kuba ndathi sendicinga uyokukroba wase wathi unkosikazi bayaxoka bebeqobisa nje kuba akakho umzali onokulahla inzala yakhe ngoba awukho umgqomo wokulahla umntu.”

Bendinento ebuhlungu apha emqaleni, kubuhlungu kuba lo bhuti akayazi ibuhlungu lento kum yena ebeyipholele. Ndibeke isandla entla kobuso ndifuna umbona kakuhle ngenxa yelanga ebelitshisa esinye isandla siphethe íjersy ecaleni.

Ntando:“UMama bendimfowunele namhlanje kodwa..”

Ndivele ndazogquma nge jersy ebusweni ndakhala, ndimve sele endithuthuzela endibeka esifubeni sakhe.

Mandla:“Shhh thula ndinalo icebo, ikhona indlu engase dolophini kwezi sinikeza ngazo siyinkampani, ubene lucky kuba kungekabikho mntu ibhaliswe ngaye kuba indim unobangela kwaye seyivelile yonke lento. Uzoyohlala khona, buya singene endlini kunoba ulambile.”

Ndiye ndama endibambe esandleni, bendisoyika umfazi wakhe.

Ntando:“Umfazi wakho ndiyamoyika.”

Mandla:“Akazukwenza  nto uyayazi into endidibanisayo nawe, kudala erhalela ukubona.”

Ndiye ndavuma, wangena emotweni wayifaka eyardini ndilandela emva lo sisi uye wandijonga waphuma uMandla weza kuye wafika wambamba esinqeni emncamisa. uMandla:“Sthandwa sam lo nguye kelo ngulomntana ka Nakhane.”

“Oh mntanam akasemncinci, kengoku uzothini apha?”

Ndishwabanise ibunzi ndibhidekile, uMandla uye wamtsalela ecaleni bathetha bobabini sele ndibudikwa ngoba andiyazi ebathethisa ecaleni bendisuke andabathemba. Baye beza kum, losisi wasondela ethi,“Uxolo mntanam ngalonto, buya ndikwenzele into yokutya.”

Utsho enditsala ngengalo, saya endlini ufike wandichophisa esofeni. Bendilaqaza lendlu ibindikhumbuza nayo yonke into eyayisenzeka ngabobabusuku. Uye waza losisi encumile ephethe ítray, ububele bakhe andazi uboya bam abulali.

“Ndingu Sindiswa ke mntanam, uSis'Sindiswa ke kuwe.”

Ndincume ndinqwala ngentloko, kuze uLuthando lo angumntana ka Mandla uthe wakundibona wabaleka weza kum wafika wanditsibela endanga ndamsingatha.

Luu:“Ntando, ndine moto entsha.”

Ntando:“Haha iphi?”

Sindiswa:“Niyazana?” Ubuze enyuse impumlo.

Ntando:“Ewe uTatakhe wayekhe wayomgcinisa kum engenamntu wakumgcina.”

Luu:“Buya ndzokubonisa?” Utsho enditsalela kwi passage le yendlu ndabe ndimhleka, undibonise iToy eqhutywa nge remote ndabe ndiyincoma. Ndiye ndamsingatha sabuyela élounge, ndifike uMandla ehleli kwenye isofa uSindiswa ehleli kwenye bekubonakala ikhona abasandokuyithetha. Ndiye ndahlala phantsi uLuthando ehleli phezu kwam, ndabajonga ezimbusweni ndithatha ukutya.

Mandla:“Yazi kudala efuna ukuya kokwenu, caba niyavana?”

Ubuze ejonge kum, ndiye ndazincumisa.

Ntando:“Hahah lo ugeza kangaka kunoba ebekhumbula nje undenza úmadam wakhe.”

Kuye kwaduma imoto énext-door kwavakala kuleka ígate sajongana noMandla.

Mandla:“Kunoba ngu Tatakho, bafikile.”

Ndiye ndabeka uLuthando ecaleni, ndakhawuleza ndaphuma ndama evrandini. Bohlike emotweni, uTata uye wandijonga nje wabe ebheka pha ingathi akandibonanga uNakhane ume umzuzwana endijongile wanyikina intloko eyongena endlini uSomila uphakamise isandla endibulisa ndaphakamisa esam.

Nakhane:“Somila!?!”

Wothuke wayongena endlini, uNakhane eme evrandini sajongana enxibe obentsimbi, okugqiba wangena endlini ndiginye ingwiqi ndangena endlini ndafika ndachopha uMandla nomnkakhe bendijongile.

Mandla:“Ngabo?”

Ntando:“Ewe” Nditsho ndithatha ukutya etafileni, ndijonge kuko ndatya. Ukugqiba kwam utya, uSindiswa undibizele ébathroom, ndayohlamba. Lo mini, ibingathi liphupha kum bekukubi bendingaqinisekanga ukuba uNakhane no Tata bayoze bandixolele kwaye ndiqinisekile ukuba ngu Nakhane ofake uTata umoya ombi andiqondi ukhona umntu ophilileyo entloko onokulahla umntanakhe ngenxa yempazamo nje enye bendiya ndimzonda suku nosuku la Nakhane kwaye ndisuke andamthemba naloThixo amthandazayo kunoba wamtyisa ihabiya uTata kangangendlela ebesiva ngaye ngayo uNakhane ebenothi,“Jump” uTata abuze,“How high?” uTata bendimazi ungumntu onenkani kodwa kuNakhane ebefika ame ngxi bendithi ndakucinga ngo Glenda ndiyiqonde kunoba naye zange alunge ngenxa yemithi ka Nakhane. uNakhane bendimthembile, kodwa ngoku ebendinika ezinye iingcinga ngaye ebezibonakalisa ukuba zange wangu Mama wam. Ndilale kwa Mandla egumbini lendendwe, ngengomso uMandla wandivusa ekuseni. Ndahlamba, ebesehlambile yena. Sikhwele emotweni, ndijonge ekhaya sihambe ngemoto safika endlwini ye RDP.

Mandla:“Ezizindlu sinikisa ngazo. Akukabikho nto kodwa bendifuna uzokubonisa ngaphakathi emveni koko siyothenga izinto zangaphakathi. Ungothuki mntanam, kodwa into endingayifuniyo kukuba uhlalelana noSindiswa kuba andimthembi nakancinci kuwe andifuni anyathelele kufitshane kunawe.”

Ndiye ndamjonga ndididekile kuba ndimbona elungile la Sisi.

Ntando:“Ngoba?”

Mandla:“Umntu ngeke umgqibe Ntando.”