Home
INSIMU YEZIMANGA
INSIMU YEZIMANGA ( 21 - 25 )
INSIMU YEZIMANGA ( 21 - 25 )
June 11, 2023
INSIMU YEZIMANGA UMBHALI : MABUTHO KUNENE
ISIQEPHU 21 Sasimuncu isimo emndenini wakwaZwane kodwa wangeniswa esibhedlela wacilongwa nokwangcina kubonakala ukuthi ushayeke ekhanda wase efakwa eICU uMaMthembu wayekhala ezimathonsi ebona indoda yakhe yeminyaka ilele inganyakazi sekulokhu kudume imishini. UMelusi wabe esethatha umakhalekhukhwini washayela uZwane.
📲Hello uZwane okhulumayo.
📱Sawubona baba Zwane ukhuluma noMelusi.
📲Oh hhey kunjani Mangethe?
📱Ey baba sesilimele emoyeni.
📲Sekwenzenjani mfana wami.
📱Ubaba umbandakanyeke engozini yemoto.
📲Hawuuuuu!!! Kahle mtanami ungayisho leyonto kusho uMabizela ezimangalisa kwamangala noKhaya noMbhekiseni.
📱Impela baba sifice imoto kababa ishe yagqogqa kodwa imoto imukhafulile yena usesimeni esibucayi impela kusho uMelusi echaza ekhala.
📲Ulaliswe kusiphi isibhedlela.
📱Use Private Hospital baba.
📲Ngaze ngabuhlungu ngalezindaba ongazisa zona mfana wami qina uzolulama uBabawakho indoda ngiyamazi.
📱Ngiyabonga baba Mabizela ukuzwa lawomazwi ayangiqinisa kulesimo esinzima esibhekane naye.
📲 Okungiphatha kabi ukuthi sihlukane kahle nomngani wami ngenkathi esuka kimina sengiyazisola ukuthi ukube akezanga.
📱Cha baba Mabizela akulona iphutha lakho ubaba usuphile naye iminyaka ubengaqali ukuza kuwe ungazisoli kuqondene nje ngoba ingozi into ehlezi ikhona emgwaweni.
📲Uhlakaniphile umuthathe wangamshiya uyise mfanawami angivalelise ngizozama ukuyobona ubaba wakho mangithola ithuba.
📱Kulungile baba uMabizela bye esho evala ucingo uMelusi.
Wake wathi ukuphendukelwa ikhanda uMabizela ebulawa uvalo.
" Kwenzenjani Mfo kubuza uMbhekiseni.
" UZwane usindile usesibhedlela kanti nina nenzenjani Mbhekiseni.
" Sigudle imoto yakhe yawela eweni yaphahlazeka angiboni ukuth usindile uZwane kusho uMbhekiseni ezinwaya isisu ngeqholo.
" Hhey Mbhekiseni akukho Zwane ofile lana ngiqeda kufonelwa umfana wakhe manje uyasho ukuthi uyise ugulela ukufa nina kanti nibuye kanjani ningasenzanga isiqiniseko sokuthi nimkhipha umphefumulo ngoba nizothini uma kungukuthi unibonile.
" Angazi ke noma usibonile yini kodwa yona imoto kaKhaya uyayazi kungenzeka usibonile mfo.
" Khaya!!!!!! Kumemeza uMabizela edinekile ubuso buthukuthele.
" Yebo baba.
" uZwane akafanga.
" Hawu kanjani manje kumangala ukhaya ecishe oma uvalo ngoba akazi noma ubabonile kodwa imoto uyayazi ngoba uyibonile.
" Lalelani Madoda isiwuchithile umuthi inkonyane kodwa asicisheni bonke ubufakazi, no1 uzothatha imoto uyise eScrap yard igaywe kuphele ngayo ngizokuthengela enye.
" Awu baba sengiyi sport kangaka ngiyilungisa ipocoke eceleni bengivikela ukuthi ngilimaze izivalo ngoba ngizoziqondisa.
" Khaya angizwani nomuntu okhuluma ubuntwana ngoba sikhuluma ngejele lana nakhona ekuzoba yimi ekumele ngikukhiphe.
" Uqinisile umfowethu Khaya imoto yakho inobufakazi kumele igxotshwe kuphele ngayo ngoba iningi imali kwamabizela uzoyithola enye imoto.
" Ngiyezwa.
" okwesibili kumele umuntu oyedwa ayoqedela uZwane ngoba ukuphaphama kwakhe kungasilengisela engozini yokuboshwa kusho uMabizela bemulalele kungasakhulumi muntu.
" Manje inkinga kulezibhedlela ezi Private akungeneki kalula banemibuzo abakuhlohla yona onogada kusho uKhaya.
" Khaya mfanawami uyabona mina no babomncane wakho sicebile nje yingoba siyazi ukuthi uma uveza intshontsho akekho ongalingeki kanti uma eqotho efuna ukukubika ukuthi ubumthenga uyambulala, asinanazi singabakwaMabizela phela thina asisabi muntu.
" Uqinisile ubabawakho mfanwami.
" Ngicela ukubuza baba nobabomncane ukuthi kuzokwenzeka njani ngenkampani njengoba ubaba Zwane elimele nje.
" Akukho okunye ngiyobeka wena futhi akekho ozophikisa isinqumo sami njengoba uZwane engekho wena nje usuzogqoka amasudi uhlale eoffice mfanawami.
" Ngempela baba esho ejabula egxuma uKhaya engakholwa ukuthi emva kweminyaka engaka efisa ukuba umphathi namuhla iphupho lakhe lifezekile.
" Uyiphathe kahle inkampani yamfwethu usebenze ngokuzikhandla kusho uMbhekiseni exhawula ukhaya.
" Manje wemfo kunento oyikhohliwe kusho uMbhekiseni.
" Ngilalele mfo.
" uzokwenzanjani ngalabafana bakwaMadi ngoba ngiyazi kukhona abaphezu kwabo.
" Nami iyona nto engikhathazayo mfo.
" Hhay bo mina angibasabi abafana bakwaMadi yithi esiphethe itheku ngezandla kusho uKhaya.
" Ngiyazi unesibindi wena awubize umfowenu uSithembiso.
Nangempela wahamba uKhaya wabuya naye.
" Khaya njengoba ngangishishilo ukuthi kuyohamba ngithi khumu kwezamabhizinisi bese kusebenza nina sekuyiso isikhathi lesi kusasa lokhu okusayo ngiyobeka uKhaya njenge CEO uyena osezohola inkampani iMabizela and Zwane Buses. Kanti wena ngibeka wena njenge CEO kuMabizela Maize Meal. Kodwa ke umsebenzi wokuphakela insimu nizowenza ngokubambisana kumanje nje kumele nithole umuntu oyedwa niyosuthisa insimu.
" Yaz baba angikholwa ukuth nami sengizophatha enkampanini enkulu kangaka kusho uSithembiso ejanula ehug uyise.
" Ngangishilo ngathi angifune muntu ozonibangisa ifa lenu nangu nomfwethu umufundisile uSimangele indodakazi iyona ehola amabhizinisi egoli nani ke ningangiphoxi madoda nami ngizomemezela ukuthatha umhlalaphansi ngizenze osingatha uZwane ukuze kungeke kube khona izinsolo
" Ngeke sikuphoxe baba siyathembisa kusho izinsizwa zikaMabizela zibukana amehlo ephuphuma injabulo
" Bafo ngicabanga ukubiza izinsizwa zami namuhla zivele zibulale losikhumbuzo ngicasulwa ukuthi uyisiphazamisa ezinhlelweni zethu kusho uMbhekiseni ekhipha umakhalekhukhwini
" Babize abafana sivele simubulale simuse kwabakubo ngoba uyaphapha lomfana akazi ukuthi ngingowaseJozi mina elokishini eliRuff eZola kwamushayazafe, dala sidudulana nezinkabi ezazibona ukuthi yizo eziphethe igoli, kusho uMbhekiseni ephukule.
Wabe esethatha ucingo.
" Makunyiwa akunyiwe babomncane ngeke sidlale izinja zakomunye umizi kukhuluma thina ke iMabizela izimpunyela ezicaphuna kusale, kusho uKhaya.
📲MAJUQA
📱Hello uMbhekiseni lona
📲Awu skhulu kunjan
📱Ngiyaphila mfo awungisize phela
📲Ngilalele skhulu.
📱Ngifuna ungithumelele abafana abahlanu izinkabi ezingaziwa.
📲Hawu Mbhekiseni baphi kanti manje abakho abafana.
📱Amabodygard angiwenzisi lomsebenzi okwabo kuba ukungiqapha nje manje mina ngifuna izinkabi eziqashelwa ukubulala kusho uMbhekiseni bemugqolozele bonke.
📲Kodwa ngoba wazike abafana bami bayadula ababulali laba, abalenzi iphutha.
📱Imali akuyona inkinga wazi kahle Majuqa.
📲Ok ngizokunika abafana abathathu ngizokwehlisela ngoba sengisebenzisane nawe iminyaka ngizodinga u100 000.
📱Ubala lolo Majuqa wena ngilethele abafana namuhla ubanike neKhumbi edimile emafasiteleni bahlome ngezibhamu.
📲Bayeza namuhla Mbhekiseni Mabizela uyazi sesibulale inqwaba yabantu sisebenzisana.
📱Ngizobona ngawe bye mfo kusho uMbhekiseni evala ucingo.
" Ey Babomncane izinyo ligaya ngomunye u mhlathi manje asibaqede uphethe noMajuqa kusho uKhaya kwahlekwa kujatshuliwe uMabizela wahleka kwaze kwavela elomhlathi ibhantshi seliveze isisu
INSIMU YEZIMANGA UMBHALI : MABUTHO KUNENE
ISIQEPHU 22
Zafika zagaleleka izinsizwa zikaMajuqa imidondoshiya emide elaphayana behlomile izikhwama zigcwele nswi lonke uhlobo lwesibhamu.
" Wozani ngapha zinsizwa kusho uMabizela ethokozile ebuka amadoda ekungathi badla iWrestling.
" Senize nafika madoda kusho uMbhekiseni ebaxhawula.
" Sesize safika besho bexhawula uKhaya nomfowabo nabo beza ukubamukela ngenjabulo.
" Madoda kunabafana ababili bakwaMashu bayisiphazamiso esikhulu sifuna nibabulale ngokukhulu ukushesha kusho uMbhekiseni.
" Impela kunjalo zinsizwa kodwa enhikufunayo ngifuna ningabi budedengu angizwani nokuhamba izinkantolo nokulandelelwa izintatheli ngifuna abantu abenza iclean job kusho uMabizela ebabuka ngamunye.
" Sizwa kahle baba kodwa esikuthembisa khona yikho ukuthi labantu enibashoyo bazofa esikucelayo nje kunye sicela ukubazi ngoba kumele siye sesazi ukuthi siyobulala bani kusho Inkabi.
" Akuyona inkinga mina ngizohamba nani ngoba nami ngiyafuna ukubona nimubulala ajeze kabuhlungu ngokubulala umfazi kamfowethu nomfana wethu.
" wena ungahamba nabo ngoba angiboni ukuth bayakwazi babomncane.
" Asambeni ke zinsizwa kusho uMbhekiseni esukuma zamulandela izinsizwa.
" Namhlanje siyoqeda ngalezinja zakwaMadi ndlelanhle babomncane kusho uKhaya ethokozile emoyeni.
" ngifuna nibabulale bese kuyodla insimu yami mfo isikhathi ingadli manje sekuyophela iviki kusho uMabizela ekhombisa ukukhathazeka.
" Yahlehla ikhumbi igcwele izinsizwa ezazingasineki kanti ngaleso sikhathi uSikhumbuzo ugade ukunyakaza kwaKhaya. Walokhu egadile engafuni kube khona okumuphazamisa ngoba wayesabela ukuthi kungenzeka bayomqedela uthe uma elokhu ehleli wacabanga indlela yokuqapha ngasesibhedlela wathatha isibhamu.
" Nathi mfo ngicabanga ukuyocutha ngasesibhedlela ngoba ngiyasola bazofuna ukucisha ubufakazi ngokubulala uZwane.
" Uqinisile iphuzu lelo Bafo asihambe siye ngasesibhedlela.
Kuthe nje besahamba yabe isisemvakwabo ikhumbi emnyama kugcwele izinsizwa zihlome ngezibhamu uMbhekiseni ehlezi ngemumva.
" Yizo kanye ke lezinja bafana asibalandeleni sibashaye lapho kungaphithizeli khona kusho uMbhekiseni ngentukuthelo.
" Khululeka baba Mabizela thina singabafana bamajuqa saqeqeshelwa ukubulala kusho inkabi bebambe izibhamu ngezandla.
Kuthe nje uma elokhu echofa iLaptop yakhe uSikhumbuzo wamangala ukuth kungani uKhaya enganyakazi namuhla.
" Sikhumbuzo uyayibona leKhumbi emnyama ngathi iyasilandela kusho uNathi ebuka isibuko.
" Yiphi lena emnyama emafasiteleni?
" Ya ngiyayibona awujike ungene ngalomgwaqo ngibone izosilandela yini esho ebukisisa amafasitela ephendule ikhanda kodwa kungabonakali, wangena ngawo lowomgwaqo uNathi uSikhumbuzo wavala iLaptop wakhipha isibhamu wasibamba ngesandla. Bathe uma bejika ngaphambili yajika nekhumbi emnyama.
" Nathi masingena kutiyela ufake amafutha uyinyathele ngoba ngathi ilandela thina lemoto nama number plate asusuwe. Wajika ikhona uNathi nekhumbi yajika ikhona, wangena emgwaqeni owutiyela nekhumbi yangena. Kuthe nje uma engena kutiyela uNathi wayinyathela yaphakama leza nekhumbi leMercedis benz selidla amagalane. Kuthe nje esayinyathelile uNathi imoto igudla ngasesakhiweni esidala okwakuyistadium kodwa sekwasala amagumbi ekubhenyelwa kuwo insangu, yaphaphalaza imoto kaNathi ngenxa yokubalekela inkomo eyayidabula umgwaqo. Kodwa wazama ukuyibamba uSikhumbuzo wafihla iLaptop phansi kwesitulo semoto baphuma baphuma begijima, yasho inganono bedubula bebhekise kubo.
Kodwa bageja nabo badilika bebagijimisa, badla phansi oSikhumbuzo bafike kulesakhiwo baqhiyama ngezindonga becuthile.. " Bulalani lezinja maan kusho uMbhekiseni ehlezi emotweni evele ngefasitela behamba sakucasha begodle izibhamu, walala phansi uNathi.
" Sikhumbuzo asibavalele ngaphakathi esho ehleba ekhulumela phansi nangempela bahlukana uSikhumbuzo wahamba kungathi uyacaca egumbini eliphezulu wabuka ebabona bephenduka becinga ngezibhamu.
" wabona iCable(intambo enkulu kagesi) wabuka namanzi kungathi ayaconsa ageleza aze aphume ngomnyango kuthe nje ukuba abone amadoda amabili kungathi eza lapho engakhona walinda ukuthi amanzi abamanzise ngoba ehla emnyango amanye asekhande idamu endleleni walinda ukuthi banyathele amanzi, wathula nje uSikhumbuzo Kuthe mabeza bebathathu wadubula intambo yawela emanzini ugesi wahamba washokha izinkabi ezimbili zakhalala zimemeza zizwa ubuhlungu zasha zangqongwa zafela khona lapho kwasala ezintathu ziqalaza zigijima zafika ozakwabo bewumlotha zakhala zimemeza.
" Ningabafileyo zinja zicinga zingena igumbi negumbi esakhiweni.
Kuthe sezithukuthele izinkabi uNathi Wanyonyobela inkabi eyodwa ngemuva wayikhahlela isandla kwawa isibhamu yakhipha ummese yathi iyaqeda unathi ahlehlise umzimba nekhakhanda, yathi iyaqeda avike, kuthe nje esanake keyonkabi ezwe ngokhuni kusho ekhanda ezunywa ngenye inkabi. Yafika yabeka isibhamu ekhanda.
" Ngifuna ukukubulala ebona uMbhekiseni njandini washo ekhokha isibhamu ebuka enye inkabi," hamba ubize uMbhekiseni emotweni esho isibhamu esibeke ekhanda likaNathi.
Kuthe kusenjalo kwabonakala ngendoda isuka esitezi yafike yagxumela inkabi ekhombe ngesibhamu kwawa isibhamu, wavuka uNathi
Yathi mayphenduka unkabi yezwa ngesthende emlonyeni amazinyo awagcwala phansi uSikhumbuzo eseyibhubesi uqobo ejulukile esekhumulile eqimbile.
Yazama ukubaleka inkabi waphenduka emoyeni uNathi wafike wayivimba phambili, kuthe mayizama ukulwa wayigoba ingalo eyiphendula yaqhuma, wase eyisonta untamo yafa ingqolozele emoyeni. Kuthe isadiyazela inkabi eshaywe usukhumbuzo wayidudula ngesibhakela ocabangweni yabhodla igazi wayihudula ecaca izitebhisi wafika wayiphusha inkabi yahamba yayosakazeka ngekhanda esimendeni yafela khona lapho, zafa zonke izinkabi zikaMajuqa uMbhekiseni akakukholwanga akubona wayishaya yazula ekhuluma yedwa. "kodwa ngizothini kumajuqa ngabafana bakhe esho ngenkulu indumalo.
" ngiyabonga bafo kusho uNathi" "Ngifa lapho ufa khona mfwethu asambe besho bebambene emahlombe, bathe njebephuma uMbhekiseni wayengasabonwa, zaphuma zasula imihuzuko izinsizwa zakwaMadi zithukuthele zingasasineki.
INSIMU YEZIMANGA UMBHALI : MABUTHO KUNENE
ISIQEPHU 23 Kuthe esashosholoza uMbhekiseni elokhu ebabaze njalo ngakubone kwenzeka amadoda ayizikhondlakhondla bewaqobisa okwamaphela.
"kodwa nje angisadluli emzini kaMfwethu ngilibangise egoli umfwethu ngizomxoxela ocingweni engikubone kwenzeka.
📲Bafo kubingelela uMbhekiseni imoto ingena iflathela itheku.
📱Mbhekiseni kuhambe kanjani kubuza uMabizela ngenjabulo elindele ukubhiyoza elindele ukujabulela izindaba ezimnandi.
📲Ey bhuti bahluliwe abafana baMajuqa angazi ngizofike ngithini kusho uMbhekiseni eshayela aphinde abheke emumva.
📱Angikuzwa uthini mina mbhekiseni uthi kwenzekeni kubuza uMabizela eshintsha ebusweni.
📲Abafana bakwaMadi bangimangazile, ngizwe bequma ubumaye maye, angazi ukuth kanti bangabantu abanjani labafana bazalwa kuliphi ilokishi.
📱AbaseThekwini esinqawunqawini kuthiwa aluyi olubuyayo kuleyondawo, kusho uMabizela esukuma naye iqala ukumkhathaza lendaba.
📲Mina bengazi iZola kwamshayazafa kuyilokishi lezinja ezingabhedelwa ngaziwa igoli lonke kusho uMbhekiseni eshintsha igiya eyishaya indiza.
📱Manje wena ukuphi buya phela sihlanganise amakhanda mfo asikwazi ukubuswa yizingane ezizalwe izolo.
📲Angisekho eThekwini mfwethu ngihambile impela mfwethu.
📱Awu Mbhekiseni kodwa ungayenza kanjani leyonto ngoba ngithembe wena ukuthi senze umsebenzi siwuqede ngoba uKhaya udinga mina nawe uSithembiso uyazama umfanawami kodwa uKhaya uhamba ezinyathelweni zethu.
📲ngisayonaka amabhizinisi ngiyadingeka ngizobuya mfwethu ngeke ngikulahle mfwethu ungowakwethu wena.
📱Kulungile mfo manje ziphi izidumbu zalezinkabi ngoba liphelile iviki insimu yami ingadli kanti nginothe ngayo.
📲Hamba mfwethu uqoqe zonke leziya dumbu zinhlanu kodwa mina ngisahambile ngizobuya.
📱Hhay kulungile mfo ngizohamba noKhaya manje ngiyoqoqa lezidumbu.
📲 Hamba mfwethu nami kumele ngifike ngibulale uMajuqa ngoba uzongizungela ngoba bekungabafana bakhe abaqeqeshe iminyaka ebebathembile sebemsize kokuningi.
📱Kusamele sicabange isu okuyilona esiyolisebenzisa ukuqumba abafana bamadi.
📲Mina ngibona ukuthi kumele sithumbe abazali bakhe bese sithi abazinikele kithina bengahlomile bese sibabulala bonke kuvalwe ngehlahla basichwensile labafana kusho uMabizela.
📱Awuhambe ubulale lomajuqa ngoba uzongibulalela wena mfwethu kanti sengisele nawe emhlabeni, ngisakudinga mina
📲Ngiyombulala impela bengingakuhlelile lokho kodwa mfowethu kumele ngimubulale.
📱Mbhekiseni hamba uyobulala loamajuqa sazi ukuthi sibhekene nabafana bakwaMadi.
📲Kulungile mfowethu sengiyokwenza umsebenzi ngiqede ngalento esho evala ucingo.
Wahamba uMbhekiseni waze wafika egoli imoto ishisa bhe ngoba wayeyikhahlela engayidlaisi uMbhekiseni, wafike wangamazisa uMajuqa ngokwenzekile wahamba wathenga isibhamu esingekho emthethweni wase wacela bahlangane ehlathini ukuze amkhokhele kanti uzohlangana nenhlamvu esiphongweni wahamba uMbhekiseni wafike waphakela insimu yakhe njengomfowabo
" Baba uhambe kanjani ubabomncane nezinkabi kubuza uKhaya.
" Khaya mtanami selokhu ngazalwa angikaze ngithole ubunzima kanjena.
" ukhuluma ngani baba kubuza ukhaya edumala ebusweni.
" Ey mtanami asihambe siyothatha izidumbu zalezinkabi siyophakela insimu.
" Angikuzwa mina baba ukuthi uthini kusho uKhaya ephefumulela phezulu ejuluka.
" Banqobile abafana bakwaMadi kodwa sengihlele ukuthumba abazali babo bese sibatshela ukuth bazinikele kithi endaweni esithele ngoba baze bafaka amaphoyisa sobabulala kuphele ngomndeni wabo.
" Yazi icebo lelo baba yazi ngizizwa ngibila angibasabi mina lezinja zakwaMadi.
" Ngiyazi mfanawami kodwa kumele siqaphele banesalamuzi labafana ngoba bayaphunyuka makumele sibabulale.
" Ey mina ngizomgxoba mina uKhaya ngifuna ukumnyisa lomsun wenj*
" Yehlisa ulaka Mabizela wena ufuze mina ngiyakwazi mtanami asihambe siyophakela insimu.
Kuthe besakhuluma kungene uSithembiso.
" Hawu nabhalwa indumalo nje kubuza uSithembiso eziphonsa esofeni.
" Hamba uyothatha amahalavu izinkabi zifile.
" Hawu kumangala uSithembiso wacishe woma.
" Uphi ubabomncane.
" Ubalekile umfwethu kodwa ngiyazi uzobuya nelinye isu kuphendula uMabizela elungisa ibhantshi lakhe.
" Khululeka Sithembiso siyoke sibone inkosi impela ukuthi ubani oyogoba uphondo phakathi kwabafana bakwaMadi nakwaMabizela.
" Ngiyanithanda zingane zami asambeni siyosuthisa insimu kusho uMabizela ebuka abafana bakhe eziqhenya ngabo.
Bahamba baqoqa izidumbu emashahasheni esakhiwo esidala bafike baya ensimini benza njengenhlalayenza noMajuqa wangena ensimini egoli. Wathatha ikhumbi yezinkabi wayigaladisela eweni. Ayikho into eyayikhulunywa emndenini ngaphandle kwendaba yabafana bakwaMabizela benxapha indlela yonke bephukule bebanyama bhuqe.
INSIMU YEZIMANGA UMBHALI : MABUTHO KUNENE
ISIQEPHU 24
UMabizela akazange abulale ubuthongo elala ephenduka ecasukile ecabanga indlela angagudluza ngayo abafana bakwaMadi, wavuka wavusa namadodana akhe bahlala ekhishini benza itiye.
" Khaya nawe Sithembiso namhlanje ngiyonethula njengabaphathi ezinkampanini zami ezimbili, manje ngifuna nigqoke amasudi kanokusho nishefe nibe bahle ngoba ngiyazi kuzofika nabantu bezindaba manje kumele nikulungele ukuphendula imibuzo kusho uMabizela eqhabula itiye.
" Impela baba ngifuna kucace ukuth kungena indodana kaMabizela esihlalweni kusho uKhaya ethokozile injabulo ichichima.
" Mina ngilale ngiyilungisile isudi baba ukhululeke nje wena.
" Nami sengizoke ngiphumule ngithathe umhlalaphansi bafana bami isiminingi leminyaka siyibambile noZwane.
" Ey khona uqinisile baba isikhathi sokuthi uphumule kodwa siyakuthembisa ukuthi sizoyibamba ziqine izintambo ngoba asifuni nje kube khona okubhedayo kusho uKhaya.
" Kodwa manje sithini ngendaba kaBab Zwane kubuza uSithembiso.
" Kumele afe akukho okunye ngoba phela ulokhu esibelesele ngemfundo kanti futhi akadedi esihlalweni ngoba ethi kufuneka umuntu ofundile yingakho sabulala kwaMandla indodana yakhe, kusho uZwane.
" Uqinisile ubaba ulokhu esidakela ngemfundo yokunuka kusho uKhaya eluma isinkwa.
" Abanye abantu ekumele singayikhohlwa indaba yabo abafana bakwaMadi kumele kusheshe kuqedwe ngabo kusho uMabizela.
" Uqinisile ubaba kodwa mina ngisasho namanje angimsabi uSikhumbuzo ngifuna ukuth mhla simuthola ngimdabule ngezimpama ngaphambi kokuthi simubulale kusho uKhaya.
" Kumele bafe bezwile ubuhlungu zingane zami buka nje babulale umah wenu nomfowenu.
" Angeke sithuswe inyoka efile thina asiyena ubabomncane ovele wancamela ukubuyela egoli ngoba esaba lemigodoyi kusho uKhaya.
" Ngizothi mangibuya emsebenzini ukunithula kubasebenzi njengabaphathi bezinkampani zami ngiyobe sengiqonda esibhedlela ngithole lokhu okungamanesi asafunda ngikhiphe imali ebomvu angakaze ayibone ukuze ajove idrip kazwane ngoshevu wamagundwane avele ashone elele ngoba ukuphaphama kwakhe kuzoba yinkinga kusho uMabizela.
" Iphuzu lelo baba lamaNesi esafunda alambile azoyithatha imali uma ukhipha imali enhle kusho uSithembiso.
" ama Intern alambile azoyithatha egxuma imali nami ngifakazelana nawe baba iphuzu lelo.
" Kodwa komele baba ungiboleke imoto yakho ngoba eyami igxotshiwe eScrap kusho uKhaya efaka isitsha kusinki.
" Kulungile uzothatha iRange Rover ushayele ngokucophelela mfana esho esukuma uMabizela.
" Ngiyabonga baba.
" Asigezeni ke sihambe bafana niyoqala ukusebenza njengama CEO, nangempela bageza balunga kwahanjwa.
Kuthe nje uSikhumbuzo ehlezi noNathi kanye nabafana baZwane kwangena ucingo oluvela ekhaya KwaMashu.
📱Khumbulani, kubingelela uMpume.
📲Hawu ngane kamama unjani kuphendula uKhumbulani emamatheka.
📱Ngithi anginazise ukuthi sengitetile seningomalume.
📲Hawu sekunjalo kusho uKhumbulani emoyizela injabulo ibhalwe emehlweni
📱Yebo ngitete izolo ebusuku.
📲Hawu ngaze ngajabula uthole ini?
📱Ngithole umfana.
📲Woow ngaze ngajabula sisi, ayanda amasotsha umtshele ukuthi omalume bakhe bazomuqeqesha kusho uKhumbulani njenjabulo.
📱Ubani igama lakhe?
📲Umama nobaba bamethile elabo lithi uAndile, bathi andile amabutho kwaMadi, kodwa uMandla wayethe makuba umfana kuzoba mthobisi so, sengilinde umkhulu nogogo wakhe bakaZwane nabo bamethe elabo, uzoba namagama amathathu.
📱Cha ngiyajabula kodwa ukhona umama Zwane ngingamnika ucingo, uMelusi waluthatha ucingo walusa kumkaZwane ekhishini.
" Mama nalu ucingo uMpume kusho uMelusi enikeza unina ebeka endlebeni.
📲Halo makoti
📱Yebo mama ninjani?
📲Ngiyaphila mama.
📱Kuhle ke ngani yami mawuphila.
📲Ngithi anginazise ukuthi sengitetile.
📱Awu li li li li kulilizela uMaMthembu injabula iphuphuma ebusweni.
📲Ha ha ehleka ngenjabulo uMpume.
📱Ngaze ngafisa ngathi umyeni wami ukhona ukuzwa lezindaba ezimnandi kangaka manje yilokhu engakaphaphami eICU
📲Asithembe uzophaphama mama thina okwethu ukuhlala emthandazweni.
📱Impela ngane yami.
📲Manje mama ngizomenzela istifiketi bengifuna ukusenza amagama esephelele bengicela nje ukuzwa igama enimupha lona ekhaya kubo.
📱Mina nomkhulu wakhe sasesihlelile ukuthi sizometha igama elulithi uManqoba.
📲Limunandi nalo lelogama ngiyalithanda ngiyabonga mama.
📲Kulungile mtanami ngaze ngafisa ngathi umtanami usaphila abone umutanakhe hhhii hhiii kusho uMkaZwane ekhala
📱Ngicela ungakhali mama nami ungifikisela ngezinyembezi kodwa ngiyakuthembisa ngiyabuyela emsebenzini kungekudala ngizobezobenza ubulungiswa ngizomletha umtwana makuphela inyanga.
📲Ngibuhlungu kakhulu ngoba njengoba ngizwa lezindaba ngiyafisa ngabe naye ubesaphila.
📱Okwenzeke kuMandla kubuhlungu mama, ngoba ubemthanda umtanakhe yize engakazalwa, wayevamise ukuthi njalo uma esehamba ubengithinta isisu athi bye bye ubaba uzokubona ebuya, kuthi noma ebuya athi hello nana ubaba usebuyile, kanti nangelanga ahamba ngalo wathi bye bye nana ubaba uzokubona ubuya kanti ngeke asabuya kusho uMpume ecweba izinyembezi ebuka umtwana wakhe omuhle ofuze kaZwane kodwa umthathile noMpume.
📱Ey mtanam kodwa sikhona thina ungakhathazeki sizomupha uthando simunakekele futhi.
📲Ngicela ukuvalelisa mama ngizwa ngathi usevukile sizoxhumana nami ngicela ningazise uma uBaba Zwane esephapheme.
📲Kulungile ngani yami ube nosuku oluhle esho evala ucingo uMkaZwane esula nezinyembezi.
UMelusi noSiphamandla bajabula nabo bezwa izindaba ezimnandi zokuzalwa komtwana wabhuti wabo kodwa kwathi kusenjalo zehla izinyembezi kubona bobabili.
" I wish ngabe bhuti wami ukhona kulenjabulo esinayo kusho uMelusi zehla izinyembezi.
" Okubuhlungu wayeshilo uMandla ukuthi uma uMpume ebuya nomtwana kuyoba nomcimbi wokwamukela umtwana kusho USiphamandla naye egobisa ikhanda ehlezi kusofa ekhala.
" Qinani bosibali nakithi kubuhlungu ngoba uMandla ubemuthanda udadewethu walobola waqeda kodwa igazi lakhe lizoziphendulela aninodwa kusho USikhumbuzo ecweba naye amehlo ezwa usizi nobuhlungu enhliziyweni yakhe.
" Qinani boyz, kusho uNathi ebeka isandla ehlombe likaMelusi noSiphamandla ebazwela ezizwa naye ukuthi inhliziyo ilimele yakhe ilimele kakhulu
INSIMU YEZIMANGA UMBHALI : MABUTHO KUNENE
ISIQEPHU 25
Kuthe behlezi kwaZwane uNathi wafonelwa uyise ukuba abuye ekhala ibhizinisi lakhe lidinga yena azosayina okuningi njengoba abeka yena njengomphathi. Kodwa akumujabulisanga ngoba isifiso sokulekelela ubhuti wakhe besingakafezeki.
" Ey Mndeni wakwaZwane nawe mfwethu uyangidinga lena ekhaya, kusasa ngibhekisa emabombo ekhaya.
" Ewu kodwa kwakubi ngoba bengijabula ukuba khona kwenu zingane zami nesikhala sokungabi bikho kwababa walapha ekhaya uMandla noMpume besisiduduzwa ukuba khona kwenu kusho uMaMthembu.
" Ngizobuya mama uSikhumbuzo uzosala anihlalise kancane kusho uNathi ebuka uSikhumbuzo.
" Kwakuhle ke lokho uma uSikhumbuzo ezosala ahlalise abantwabami ngiyabona sebekuthanda njengobhuti wabo ngane yami.
" Ngisekhona mama ukhululeke nje kusho uSikhumbuzo ebuka abafana baZwane.
" Siyajabula ngoba akubi khona isizungu makukhona wena bhuti sikhumbuzo nawe bhuti nathi kusho uMelusi.
Kuthe nje besaxoxa kungene ucingo kumakhalekhukhwini kaMkaZwane oluvela kuMabizela.
📱Hello kubingelela UMkaZwane.
📲Yebo ninjani maMthembu.
📱Siyaphila nje okungatheni mabizela ngoba phela ubaba walapha ekhaya namanje akaphapheme.
📲Ewu sibuhlungu sonke nkosikazi kamngani wami ngize ngafisa ukuthi ngimuthathe uZwane ngimuse esibhedlela sase Cuba ngoba angifuni nje ukulahlekelwa umngani wami.
📱Awuve ulungile kodwa Mabizela uyazi umthanda awuzenzisi umyeni wami naye yingakho ekuthanda nje.
📲Akukho engingakwenza uZwane ufana nomfwethu kudala ngiwa ngivuka nalendoda owayigana maMathembu kumanje ngiyasizwa isikhala sakhe sikhulu emsebenzini ngoba engekho.
📱Hawu usakhuluma lolodaba uzomisa kanjan Mabizela ngoba umyeni wami engekho ngoba kukhona okumele abambe esihlalweni.
📲Ey iyona nkinga enkulu leyo egcine ingiphoqa ukuthi ngibeke umfana wami lona omdala uKhaya.
📱Hhooo ubeke uKhaya.
📲Yebo MaMthembu kodwa angazi noma ngenze iphutha yini.
📱Cha Mabuzela alikho iphutha olenzile labafana bethu kumele bafunde nabo ukuphatha ibhizinisi nikhulile manje nina nomyeni wami, ngiyacela nje ukuthi umcathulise aze afane nawe noZwane ngoba nani nayiqala kancane nalokhu ngikhula ngolwazi namhlanje inkampani ithutha isouth Africa yonke ngamabhasi.
📲Manje ubusumubekile umfana ngokusemthethweni wenza ipress conference.
📱Cha ngimubeke ngoba ngisuka ekhaya kodwa siya enkampanini ngiyacela nje nawe ube khona ukuze bazobona ukuthi sisabumbene njengomndeni wakwaMabizela noZwane ngo12 wasemini ube ususehhovisi lami.
📲Kulungile Mabizela ngizobe ngikhona.
Wabe eseluvala ucingo uMaMthembu wabazisa izinhlelo ezintsha ezizokwenziwa namuhla naye uzobe eyile enkampanini.
" Hawu uKhaya usezophatha inkampani mama ingani ubaba wathi ufuna sifunde sibe namajazi ukuze sizothatha inkampani siyibeke ezingeni lomhlaba kusho USiphamandla.
" Impela nami ngivumelana nawe Siphamandla ubaba washo wathi ufuna umuntu ofundile manje uKhaya yini azoyenza kubuza uMelusi.
" Cha zingane zami ubaba wenu ubephambuka ngoba yena noZwane bakwazi ukuqala lenkampani yakhula yaze yangaka.
" Kodwa ubaba ngeke nje ayijabulele lento yokuphatha kwakhaya kusho USiphamandla.
" Kodwa mina engingakusho kunye, angithandi ukugxambukela ezindabeni zakwaZwane kodwa uku Run inkampani akulula kusho uNathi eqhiyama kusofa.
" Khona mama Zwane ubaba walapha ekhaya uhlakaniphile futhi uyazi ukuthi namhlanje siphila esikhathini sobuchwepheshe, lapho inkampani kuba khona ibhodi elilawula inkampani ngevoti kuvunyelwane ukuze kube khona umhlahlandlela nenqubekela phambili ebhizinisini kuze kudingeke ama IT specialists, editors, financial advisors, legal advisors etc yingakho namuhla kufuneka imfundo ukuze ibhizinisi likhule liqhudelane namabhizinisi amakhulu kusho uSikhumbuzo.
"Ngizwa kahle ngane yami manje bekuzokwenziwa njani ubaba esesibhedlela uMelusi noSiphamandla basafunda nawe unomsebenzi wakho phesheya kubuza uMkaZwane.
" Bekumele kukhishwe ipost kuqashwe umuntu ofunde ngokwanele ngoba akuyona into elula ukuhola inkampani kuphendula uSikhumbuzo.
" Mina kodwa ngiyamethemba uMabizela usebenzisane kahle nobaba walapha ekhaya angifuni silokhu simusola uyayazi into ayenzayo kusho uMkaZwane.
" Siyezwa mama kusho uSikhumbuzo edumala.
Kuthe makuyoshaya u12:00 wacela ukuthi USiphamandla amuhambise enkampanini.
Washayela USiphamandla bafika kugcwele, nabasebenzi bengasebenzi bathamela ukumenyezelwa komphathi omusha. UMABIZELA wathatha iMicro phone wama phambili kugcwele izintatheli egqoke isudi yakhe kanokusho.
" Ngibingelela bonke abantu abakhona kulendawo, ngibonge nje nakubasebenzi bonke abasebenza ngokuzokhandla ukuze inkampani izokwenza umsebenzi osezingeni, ngivumeleni bantu benkosi ukubiza umama Zwane uNkosikazi kamngani wami uZwane okunguyena esaqala nayo lenkampani, kwakungekho lula kodwa sabekezela njengoba namuhlanje kugcwele phama ukuzobona umuntu okunguyena ozobambela uZwane njengoba sonke sazi ukuthi wambandakanyeka engozini yemoto. Nangempela wadluliswa uMkaZwane waze wafika phambili wama eceleni kwaMabuzela.
" Bengicela nje ukuthi ukhulume amazwi amubalwa ngaphambi kokuba simemezele uMphathi omusha Mabizela&Zwane buses esho enika uMkaZwane umbhobho.
" Ngithanda ukubingelela indlu yonke anginawo amagama amaningi kodwa njengoba nazi ukuthi ngavelelwa ifu elimnyama umyeni wami wambandakanyeka engozini yemoto, sihlalile sabonisana ukuthi kube khona obambela umyeni wami isikhundla. Siyathemba nani basebenzi nizokuthokozela ukuba nomphathi osemncane ngicela ukuthi ubaba Mabizela anazise kusho uMkaZwane edlulisa iMicro phone.
" Bantu benkosi asishayeleni umfana ozoba yiCEO Khaya Mabizela.
Kwaqhuma ihlombe elincane kodwa kugcwele abantu bamangala waqhamuka uKhaya edabula ebantwini nesudi yakhe eyoma phambili wafike wamukela I microphone.
" Ngibingelele wonke umuntu okhona kulesakhiwo ngibonge nokuthi umama Zwane nobaba bangithembe ukuthi ngihole lenkampani ngiyabonga kakhulu ngiyathembisa ukuthi ngizosebenza ngokuzikhandla esho edlulisa iMicro phone enika uyise.
" Eh besicela ukuthi izintatheli zibuze imibuzo kodwa sinesikhathi esincane sokuphendula imibuzo kusho uMabizela.
🎤Mr Mabizela besicela ukubuza ukuthi indodana yakho inalo yini ulwazi or is it a Family business.
🎙️Ibhizini engaliqala noZwane leli kanti ke futhi saliqala singenalwazi kodwa namuhla likhulile.. Next question ☝🏿
🎤I have question for u Mr Khaya Mabizela, do u think u will take this business to the new height without CEO experience?
🎙️Awu wavele wabuza umbuzo odakiwe nje ingani ubaba ushilo ukuth naye waphatha ibhizinisi engakaze aphathe kuphendula ukhaya.
🎤So u wanna perform tasks in the olden way while we are in the new era.. in world of technology?
🎙️Eh!! Eh!! Eh!! Kusho uKhaya ebambeka.
🎤Ingabe ungene kulelibhizinisi ngothando noma uhlohliwe kubuza enye intatheli.
🎤Mr Khaya Mabizela njengoba uyi CEO what is goal, are ready for amachallenges neCompetition evela kwezinye izimbangi ekuthutheni do u think you will bring some changes?
🎙️Eh i know ukuthi we have abantu abaningi abanamabhizinisi afana nelethu kodwa thina singoMabizela asihlulwa lutho.
🎤So isibongo sakwaMabizela senzani ebhizinisini? can u tell us more about that? ngamanye amagama usho ukuthi akudingeki iExperience uma ungowakwaMabizela?
🎙️Hhey sinolwazi yingoba ningayiboni lenkampani ingakanani? ephendula ngokucasuka uKhaya
🎤So uma uthi ningoMabizela u sound like konke okulenkampani kwenziwe abakwaMabizela am i wrong?
🎙️Eh Eh Eh ukhaya engingiza.
🎤How u will change the old system of running a business and bring new ideas Mr Khaya Mabizela.
🎙️Baba awuphendule lezinja esho elahla imicrophone phansi edilika esiteji edabula kubantu ethi awusuke wena endleleni nxn!!!
🎙️Eh ladies and gentlemen ngicela ukuxolisela indodana yami ibhekene nezinkinga kusho uMabizela esenamahloni
🎤Mr Mabizela Are you telling us he's not professional because uthatha izinkinga zakhe azilethe emsebenzini? how can he run a company with such behavior.
🎙️Eh Eh kusho uzwane ebambeka engazi uzothini kwazise uZwane obevamise ukuphendula imibuzo ngobuhlakani.
" Letha lana iMicro phone Mabizela kusho uMkaZwane ehleba ezama ukuvala ihlazo.
🎙️Eh siyabonga kakhulu ngemibuzo ngiyacela nje ukuthi sivalelise ngoba kunzima nakubaba Mabizela ukuba kulendawo, ubuhlungu kakhulu ngomngani wakhe sesiyabonga ngemibuzo esho ebeka iMicrophone baphuma eqonde ehhovisi elisha likaKhaya.
" Yini lodoti owenzile kubuza uMabizela ethukuthele.
" Ay baba nginyanyiswa yilezinja nemibuzo yabo yamasimb*
" Bona bayanyanyisa mfanawami angikusoli.
" Kodwa ungabohluthuka mfana wami kunjalo kulesihlalo okuso kuyashisa kodwa ungathuki ukhona uMabizela uzojwayela kusho uMkaZwane.
" iqiniso lelo mamthembu kusho uMabizela.
" Mabizela angihambe ngoba indlela yami izodlula kuZwane esibhedlela.
" Ngicela nje ucele incwadi bese unginika igunya lokumusa phesheya uZwane ngikhumbule umngani wami.
" Akunankinga ngizokuthumelela yonke iminingwane uhambe naye ngoba nami ngifuna aphile umyeni wami.
UKhaya wayecasukile edinwe yimibuzo wakhumula uthayi kwazise unenhliziyo encane engasakhulumi .
Click Here To Read Next Parts 👇
